Veličković odveo Partizan do pobjede

449

Košarkaši Partizana pobijedili su Cibonu u 17. kolu ABA lige rezultatom 80:69.

Novica Veličković je bio fenomenalan još jednom i bio je glavni razlog pobjede crno-bijelih u hali “Aleksandar Nikolić”. Kapiten Partizana je imao 23 poena uz 12 skokova, tri asistencije i šut iz igre 8/10.

Jedini koji je u Partizanu pored Veličkovića imao više od deset poena bio je Najdžel Vilijams Gos sa 13 i četiri asistencije.

Marko Tomas je bio najbolji u Ciboni sa 22 poena, 15 je dodao Žorić, a 12 Branislav Ratkovica.

Partizan je krenuo energično, a odbrana je bila angažovana. Crno-bijeli su poveli sa 7:0 već na startu da bi prve poene za goste ubacio Ratkovica dalekometnim hicem.

Cibona se trojkom Marka Tomasa približila, a Partizan je prilično lako ispustio sedam poena sa starta meča i tokom prve dionice se smjenjivao u vođstvu sa Cibonom do 17:17.

Tome je doprinio izvanredan učinak Tomasa koji je za desetak minuta ubacio 12 poena, a do poluvremena 15. Precizan je bio van linije 6.75 pa Partizanovi spoljni igrači nisu imali rješenja za njega.

Na drugoj strani je briljirao Novica Veličković koji igra nevjerovatno posljednjih nedjelja. Dobro se pokazao u tim trenucima i novi igrač Bondža Si koji je imao i jedno atraktivno zakucavanje.

Veličković je do pauze imao 12 koševa, ali je posljednju riječ pred poluvrijeme davao Luka Žorić koji je nekoliko minuta u finišu druge četvrtine vodio svoju ekipu do 43:40.

Žorić je u nastavku “nestao” i tek u posljednjoj četvrtini se priključio igri sa linije penala, Von je na drugoj strani često ostavljan sam i promašivao je otvorene šuteve.

Dvije ekipe su igrale ujednačenu partiju i na “klackalici” sve do posljednje dionice. Bilinovac je sa zvukom sirene pogodio trojku koja bi pred posljednju četvrtinu donijela Ciboni poen prednosti. Kako je vrijeme već isteklo kada je Bilinovac uputio šut, Partizan je u završnicu ušao sa +2, 61:59.

To kao da je malo pomoglo Veličkoviću i saigračima koji već u prvim minutima posljednje dionice dolaze do +5, a potom na pet minuta do kraja i do prve dvocifrene prednosti za crno-bijele.

Gos je išao do koša, pogodio je, a semafor je pokazivao 72:61 za Partizan. Cibona je u nastavku smanjila razliku, ali je Partizan imao kontrolu i uspješno priveo meč kraju za vrlo bitnu pobjedu u borbi za plej-of ABA lige.

Besplatnu aplikaciju portala SrpskaCafe preuzmite ovdje.

NEMA KOMENTARA